Are you planning to apply for UWC Scholarship this year? Here are some tips from one of our Newest scholars Bendita dos Santos Carmo.

Hai belun sira,

Haksolok tebes bele fahe há’u ninia TIPS & ESPERIENSIA oinsa há’u prepara a’an no ikus mai sucessu iha kompetisaun Bolsa UWC.

Buat dahuluk, há’u sujere belun sira mak komprende didiak perguntas iha aplikasaun refere i tenke hatan ho onestu. Labele fo ba ema seluk prenxe, koko prenxe rasik para fasil atu koalia durante interview.
Importante mos envolve a’an iha aktividades extra-kurikulariu (relasiona ho *Leadership Skill, nst) iha ambiente eskola ka Liur. 

Daruak, abilidade lian Ingles. Tanba aplikasaun no durante teste sei usa lian Ingles. Nafatin relax ka kalma durante interview no hasoru testes labele ho pániku maske enfrenta difikuldades iha lingua atu komunika ho interviewer sira.

Info adisional, koko prátika IQ test beibeik (buka iha google). Nune bele iha mos koñesimentu konaba teste refere i mos kostuma atu lalika gasta tempu saugati deit. Tempu sei limitadu tebes durante teste hala’o.Nafatin husu, se iha konfusaun ka difikuldades ruma, labele moe.

Espera, *Tips & Esperiénsia hirak ne’é bele tulun kolega sira. ‘BRAVO, há’u fiar katak belun sira mos bele halo.

Obrigada.