Olá kolega sira Kontente tebes bele fahe há'u nia experiensia ho imi ne'ebé sei aplika ba bolsa UWC tinan oin. Ha'u nia experiensia iha prenxe UWC Aplikasaun ladun susar. Tips importante mak responde ba perguntas sira ho didiak, no fó esplikasaun ne'ebé espesífiku no klaru (ez; kareira ba futuru: Há'u hakarak sai Ekonomista, no tanbasá, oinsá no bla..bla..blaa) Sé karik imi sente katak espasu iha aplikasaun kiik liu, imi bele uza espasu adisionál iha suratahan seluk, no esplika aumenta buat hotu ne'ebé imi hakarak esplika ba Comitee UWC.

Segundo, tenke Onestu iha imi nia aplikasaun, no esplika hotu kedas aktividades hotu ne'ebé imi inklui/involve ba iha komunidade, eskola, organizasaun, etc... importante mós atu domina imi nia aplikasaun, no koko atu prenxe rasik. Atu nune'e imi rasik mak komprende saída mak imi hakerek, no la susar ba intervista Ema hotu bele, lalika tauk! Intervista no hasoru John Green no Ann Green, fofoun halo ha'u dag dig dug liu. Maibé sira fó korajem tebes mai ha'u, liu husi oferese 'rebusadu' mai ha'u molok intervista. Iha intervista importante atu ita hatan hotu perguntas ne'ebé intervistadór sira husu, no karik la komprende ka la rona, lalika tauk atu husu fila fali. Koko mós atu konvense intervistadór sira liu husi talentu tomak ne'ebé ita iha, no fó impressaun ne'ebé diak ba sira. Hahú mós desenvolve abilidade iha lian inglês, tanba lian inglês mós sai fator importante ba selesaun. Ha'u iha problema hasoru ho tempu iha test IQ, tanba tempu, maibé ida ne'e diak hela. Intervista iha porsentu boot atu determina selesaun.

Ha'u espera tips hirak ne'e bele ajuda tebes imi iha aplikasaun UWC tinan oin! Good Luck and Rilex!