Li Po Chun UWC of Hong Kong hanesan uma foun ida mai ha’u ne’ebé nakonu ho juventude brillante husi nasaun oi-oin. UWC lori ha’u sai husi ha’u nia zona konfortu atu esplora abilidade iha parte barak. Tanba ha’u agora hala'o hela estudu iha Hong Kong nune'e ha’u sei foti klase Mandarin (Lian Xina) i klaru ne'e sei sai hanesan dezafiu ida mai ha’u maibé ha’u sei uza oportunidade ne’e hanesan esperiénsia ida ba ha’u.

UWC mós oferese baze edukasaun ho kualidade no estrakurrikulár sira ne’ebé favoravel iha futuru. Karik hanoin abilidade iha lian Ingles ne’ebé seidauk di’ak? Ida ne’e la’ós problema. Importante mak hatudu oinsá sai ema ne'ebé mak iha hakarak atu aprende barak liu tan. Iha parte seluk, importante mós atu hatene katak ita ida-idak iha karakter úniku no iha abilidade atu hatudu kriatividade oin-oin iha area sira seluk.

Iha pergunta ruma kona ba bolsa ida ne'e bele kontaktu Komité Nasional UWC ba Timor-Leste iha Facebook ou husu diretamente alumni ho estudante atuál UWC.